Profesor titular de óptica da USC. Investiga sobre aplicacións da optoelectrónica en astronomía e ciencias da saúde. Goza coa divulgación científica realizada en colaboración coas entidades da sociedade civil, a utilización do ceo como recurso educativo e a sensibilización sobre contaminación lumínica. Na actualidade coordina “Astronomía na beirarrúa” (AnB), unha acción de astronomía social promovida pola USC e o Clube de Astronomía “Vega” para recuperar o ceo nocturno como parte da paisaxe e gozar del dende as rúas e prazas dos nosos barrrios e vilas en estreita cooperación coas comisións de festas e asociacións veciñais.