Natural de Lovios (Ourense) e licenciada en Ciencias da Información na Universidade de Santiago de Compostela no ano 1999. Logo dalgúns anos en medios de comunicación e exercendo como responsable do Programa de Sensibilización Social do Plan Galego de I+D+i, en 2007 comezou a traballar pola súa conta como consultora de comunicación especializada en temas de innovación. En 2008 puxo en marcha Growcom, dende onde colabora con parques e centros tecnolóxicos, centros de investigación, fundacións, administracións e institucións académicas en diversos ámbitos: publicacións, obradoiros, relacións cos medios de comunicación, estratexias de difusión e divulgación, etc.